Happy to Give Back ta ‘take over’ Aruba Experience Café

CEDE Aruba cu su campaña di Happy to Give Back lo ‘take over’ Aruba Experience café pa recauda fondo pa e instancianan manera FPNC, Ban Uni Man Pa Cria Nos Muchanan y YMCA.

Aruba Experience su huespednan por disfruta di e mesun menu y bon servicio di semper, pero e biaha aki 100% di e benta di dia lo wordo duna na Happy to Give Back. Esaki lugar riba dialuna, 5 di october benidero for di 8’or di mainte te cu 3’or y mei di atardi.

Aruba su comunidad ta pasando den duro, cu mas di 13.000 famia registra pa pidi ayudo na varios instancia. Esaki ta e rason cu Happy to Give Back ta colabora y bin cu diferente inciativa creativo pa por sigui recuada fondo y yuda famianan den dificultad.

Happy to Give Back a lansa na luna di april y a logra di recauda AWG. 714.000 te luna diaugustus y durante e radio-y telethon a logra recauda mas AWG. 256.000. Esey ta nifica cu Happy To Give Back a recauda un suma di mas cu AWG. 970.000. 100% di e fondo recauda ta ta destina pa sigui sostene 3 instancia local cu ta yuda personan den dificultad cu cuminda y otro producto essencial. Esaki nan ta, FPNC (banco di cuminda nacional), Ban Uni Man Pa Cria Nos Muchanan (programa di desayuno pa muchanan na scol) y YMCA (programa di meals-on-wheels).

Happy to Give Back y Aruba Experience Café ta invita pueblo henter pa bin disfruta di un koffie pa un bon causa. Pa reservacion por tuma contacto via whatsapp: +297 699 8878